Тренерот на фудбалскиот клуб Интер, Симоне Инѕаги, се согласил да стане следниот менаџер на Манчестер јунајтед, пишува Интерлајв.ит. И покрај тоа што неговиот тим се враќа на победничките патеки во Премиер лигата викендов, иднината на Ерик тен Хаг останува неизвесна и раководството на „црвените ѓаволи“ очекува наследник.

Томас Тухел неодамна беше назначен за селектор на Англија, со што стави крај на шпекулациите кои го поврзуваа Германецот со местото на Олд Трафорд. Во меѓувреме, Тен Хаг ја преживеа репрезентативната пауза во октомври, иако медиумите во земјата веруваа дека сопствениците на ИНЕОС ќе го отпуштат Холанѓанецот.

Истиот извор сега тврди дека Симоне Инѕаги веќе дал „зелено светло“ да стане нов менаџер на Јунајтед, но од стартот на следната сезона 2025/26.

Се наведува дека преселбата на Инѕаги на Олд Трафорд нема да биде официјализирана пред крајот на сезоната.

Се додава и дека Инѕаги ќе добие „речиси неограничен буџет“ за трансфери, иако англискиот клуб се обидува значително да ги намали нивните трошоци. Сепак, шефовите на Јунајтед се чини дека сакаат повторно да го засилат тимот следното лето.

? Simone Inzaghi has reportedly already agreed to become the Manchester United manager ahead of the 2025-26 season.

(Source: InterLive) pic.twitter.com/YnKnAA1hyi

— Transfer News Live (@DeadlineDayLive) October 23, 2024