Каталонците беа убедливи против Тбилиси, а македонскиот репрезентативец Теодор Симиќ придонесе со седум поени и осум скока во победата (78:64).

Нашиот играч Симиќ и неговата Барселона имаа успешен почеток на јуниорскиот квалификациски турнир (играчи „Под 18“ години) од Евролигата, кој стартуваше во Патра.

На премиерниот меч на турнирот во Грција, каталонците славеа сигурна победа против екипата на ЗПА Тбилиси (78:64).

Нашиот млад репрезентативец имаше солидно издание во првиот успех. За 22:15 минути, реализираше седум поени (2/3 за два и 3/6 за еден поен), но имаше и осум скокови и една асистенција за тоа поминато време во теренот во Патра.

Барселона ги штедеше силите во второто полувреме, доколку се земе в предвид дека веќе од 19.30 часот, вечерва, ги чека далеку посериозен предизвик. Натпреварот против екипата на Олимпијакос, кој може да биде и пресудне во конечниот поредок на турнирот.