Кратко по 16 часот силна експлозија ги вознемири жителите на Лесковац во центарот на градот, а како што е потврдено, станува збор за пожар што избувнал кај трафостаницата во станбена зграда на улицата Бунатовачка, спроти Соборниот храм, пишува Пинк.рс

Противпожарните служби брзо го изгаснаа пожарот, но струјата беше исклучена во овој дел од градот поради страв дека пожарот ќе се прошири на околните објекти.

Полицијата во Лесковац потврди дека нема повредени.

Како што беше речено, дефектот ќе го санираат надлежните од Електродистрибуција Лесковац.