Унгарија нема да дозволи распоредување дополнителни сили на нејзина територија, изјави унгарскиот министер за надворешни работи Петер Сијарто.

Тој за порталот „Евроњуз“ изјави дека унгарската армија е способна да обезбеди државна безбедност поради тензиите околу Украина.

„Не, ние не сме се согласиле и нема да се согласиме на тоа, бидејќи на територијата на државата веќе имаме сили на НАТО, а тоа се унгарската армија и унгарските вооружени сили кои можат да ја гарантираат безбедноста на државата.“, рече Сијарто.

Портпаролот на Пентагон Џон Кирби претходно овој месец изјави дека САД привремено ќе распоредат дополнителни американски сили во Источна Европа, поради кризата околу Украина.

Американската војска од 1.000 членови ќе биде преместена од Германија во Романија, а уште 1.700 војници ќе бидат стационирани во Полска.