Познатата актерка Сиена Милер вторпат стана мајка на 42 години. Таа доби ќерка со својот 15 години помлад партнер Оли Грин.

Фотографите на „Дејли мејл“ ја „уловиле“ актерката на улиците во Лондон на првата прошетка со нејзиното бебе. Сиена изгледа одлично и во добро расположение додека била во кафуле во Нотинг Хил, облечена во кафен капут и тексас комбинезон.

Сè уште не се знае точно кога се породила Сиена, ниту како се вика нејзината ќерка.

Инаку, бременоста на Сиена беше откриена за време на нејзиниот одмор во август, кога таа го покажа трудничкиот стомак во бикини. Во декември, актерката за „Вог“, за првпат проговори за нејзината бременост и откри дека ќе има девојче.

Актерката искрено проговори за својата бременост и за тоа како таа била „непланирана“, но признала дека се чувствува „психолошки поподготвена“ отколку со своето првороденче. За време на реткото интервју, Сиена рече дека Марлоу веќе некое време барала брат или сестра.

Актерката исто така рекла дека се борела против сопствените предрасуди дека е постара мајка и дека мора да научи да престане да се шегува за тоа.

Таа веќе ја дели ќерката Марлоу (10) од претходната врска со актерот Том Стариџ (38).

Sienna Miller gives birth to her second child https://t.co/g3JG71MFi1

— #TheGlovemeister #RaisingAwarnessForFibromyalgiaxx (@MartinG8177) January 3, 2024

ФОТО | Сиена Милер со гол труднички стомак на црвениот тепих во Лондон