Си Ен Ен открива: Се трупаат телата во болницата во Детроит, сите слободни соби се полни со трупови (ВОЗНЕМИРУВАЧКО ВИДЕО)
„Се што знам е дека немаме доволно кревети за своите пациенти па на нив не можеме да ги оставаме телата на починатите“, вели работникот од Ургентното, кој бил сведок на собата со трупови.
Фотографиите кои вработените ги направија во итната служба на болницата Синај-Грејс во Детроит покажуваат тела кои се чуваат во празните болнички простории и се трупаат едно до друго во ладилници кои се паркираат на болничкиот паркинг.
Препорачано
Двајца работници од итната служба потврдуваат дека фотографиите се точен приказ на сцените кои се случуваат во болницата на почетокот на април, во текот на една смена од 12 часа која ја опишуваат како ужасна.
Работници од Ургентната служба разговарале со Си Ен Ен под услов за останат анонимни, поради загриженоста за своите работни места.
„Се што знам е дека немаме доволно кревети за своите пациенти па на нив не можеме да ги оставаме телата на починатите“, вели работникот од Ургентното, кој бил сведок на собата со трупови.
На фотографиите се две тела ставени на кревет, едно покрај друго, а другото тело е ставено во столица покрај креветот. Сите три тела се во бели кеси.
„Беше тоа зошто не добивме камиони – ладилници, така што труповите ги ставивме во тие со каде што имаше кревети, зошто мртовечницата не работи ноќе“, рече медицинскиот работник.
Како одговор на овој инцидент, двајцата вработени во итната служба велат за Си Ен Ен дека болницата одлучила да нарача преносливи единици за складирање на труповите. Во саботата Си Ен Ен ја посети болнциата и на паркигот сними пет камиони ладилници.
На друга фотографија која ја Си Ен Ен ја доби од вработените прикажани се вреќи кои се наредени една врз друга во разладната единица на болницата.
Двајцата вработени потврдија за Си Ен Ен дека лично виделе како жртвите се сместуваат и во оваа единица поради се поголемиот број тела.
Велат дека сините торби прикажани на фотографиите се лични предмети на покојните. „Телата дефинитивно се двојно наредени на подот. Не постои лифт кој би помогнал телата да се стават на полицата“, рече еден од соговорниците на телевизијата, кој бил сведок на слични сцени со труповите.
Како одговор на повикот за коментар портпаролот на болницата за Си Ен Ен рече дека наскоро ќе испрати изјава за фотографиите. Но во изјавата за Си Ен Ен од минатата недела, Брајан Тејлор, директор за комуникации и односи со медиумите на болницата изјави: „Како и многу болнички системи, барањето за грижа за се поголемиот број пациенти ги оптоварува нашите ресурси и персоналот“.
Шест вработени во Ургентната служба за Си Ен Ен рекоа дека болницата лекувала околу 100 до 130 пациенти од почетокот на април, кога беше најголемиот удар. Во изминатите неколку недели, според наводите на вработените, оптоварувањето со случаи значително се намалило, на околу 50 пациенти, за кои велат дека имале полесни симптоми на болеста.
