Најдобрата светска тенисерка Ига Швјонтек е првата финалистка на Ролан Гарос. Полската тенисерка во првото полуфинале за само 66 минути игра со убедливи 6:2,6:1 славеше над Дарија Касаткина.

Ова беше рекордна 34. победа по ред за Швјонтек и в недеа ќе игра за својата втора гренд слем титула. Швјонтек на самиот старт од првиот сет направи брејк и поведе со 2:0, Касаткина успеа да дојде до израмнување, но првата тенисерка на ВТА ранг листата освои четири гема по ред и го реши сетот.

Во вториот сет, Касаткина имаше сили само за 1:1, потоа Швјонтек направи два брејка за убедливи 6:1 и пласман во финалето.

Таа во финалето ќе се сретне со подобрата од второто полуфинале во кое моментно играат Коко Гоф или Мартина Тревизан.