Светската тенисерка број еден, Полската Ига Швјонтек денеска се пласираше во четвртфиналето на „Ролан Гарос“ откако со убедливи 6:0, 6:0 ја совлада Русинката Анастасија Потапова.

Швјонтек победи против 41 тенисерка во светот по само 40 минути игра, а по четврти пат во кариерата победи без загубен гем.

Полската тенисерка загуби само 10 поени во целиот меч – шест во првиот и четири во вториот сет.

Швјонтек во четвртфиналето ќе игра против чешката тенисерка Маркета Вондроушова.

Петтата носителка Вондроушова на турнирот успеа со 6:4 и 6:2 да ја елиминира Олга Даниловиќ од Србија.