Шведската агенција за јавно здравје денеска соопшти дека правилата поврзани со јавните собири во таа земја можат да бидат олеснети при што би се дозволило собири до 500 лица, доколку тие можат да седат.

Агенцијата предлага тие места да бидат исклучок од моментално важечките правила, при кои бројот на собрани лица е ограничен на 50 лица, пренесува Ројтерс.

– Предлогот се однесува на настани, каде постојат места за седење, рекол за новинарите главниот епидемиолог на агенцијата Андрес Тегнел.

Тој додал дека, доколку владата го прифати предлогот, би требало да се проценат неговите ефекти.

– И ако добро функционира, ограничувањето може да биде укинато, порачал Тегнел.