Диего Шварцман има желба да игра во финалето на Завршниот мастерс турнир во Лондон кој ќе се одржи во периодот од 15-22 ноември 2020 година.

Аргентинецот истакна дека повеќе би сакал на тој пат за трофејот да игра против Рафаел Надал, а не со првиот светски рекет Новак Ѓоковиќ.

– Мислам дека ќе биде важно да триумфирам на првиот меч, без разлика  кој е противникот. Доколку успеам во тоа, ќе имам големи шанси да се пласирам во полуфиналето, што е моја прва цел. Но, сонувам да бидам дел од финалето – вели Шварцман кој за првпат ќе игра на Завршниот мастерс.

Доволно свесен дека за таков успех ќе мора да ја покаже својата најдобра игра..

Looking sharp ?

How far will ?? @dieschwartzman go in his #NittoATPFinals debut? pic.twitter.com/DVBRlnCrjZ

— ATP Tour (@atptour) November 10, 2020

– Морам да бидам на својот максимум. Доколку не го направам тоа, ќе биде исклучително тешко за мене. Би ги издвоил особено Ѓоковиќ и Надал. Треба да давате 100% против нив во текот на целиот меч, бидејќи штом почнете да паѓате во вашите перформанси, ќе имате проблем. Мора брзо да дојдете до победата – рече аргентинскиот тенисер.

На прашањето кои ривали би сакал да ги има во групата, деветтиот светски тенисер одговори:

– Тешко е да се избере. Порано се знаеше кој е специјалист за каква подлога, а сега сите играат добро на сите. Пред неколку години беше тешко да се замисли дека Доминик Тим ќе стигне до финалето на „Австралија опен“, дека ќе го освои „УС Опен“. Доколку треба да изберам, би се одлучил за оние кои се подобри на земја. Во таа смисла би го избрал Надал пред Ѓоковиќ, потоа Тим и Циципас – додаде Шварцман.

Жрепката за Мастерсот во Лондон е закажана за в четврток, а турнирот започнува во недела (15 ноември).