Швајцарскиот суд денеска пресуди дека реткиот часовник кој на членот на „Битлси“, Џон Ленон, му го подарила неговата сопруга Јоко Оно, не му припаѓа на неименуван италијански државјанин кој го купил од аукциска куќа неколку години откако бил украден.
Часовникот „Patek Philippe“, проценет на четири милиони швајцарски франци (4,51 милиони долари), бил подарок за 40-тиот роденден на Ленон од Оно во 1980 година, само два месеци пред неговото убиство во Њујорк.

На часовникот стои натписот „(Исто како) да почнуваме одново 10·9·1980 Њујорк“, стих од песна што Ленон и Оно ја компонирале заедно, се вели во соопштението на судот.

Со ова завршува повеќегодишната правна битка меѓу Џоко Оно и Италијанец кој живее во Кина, а кој тврдеше дека е сопственик на часовникот.