Немо од Швајцарија е победник на Евровизија 2024 / Фото: Tobias SCHWARZ / AFP / Profimedia

Швајцарија собори два рекорда со победата на Евровизија, а еден не е за пофалба

Швајцарија победи на Евровизија со одлука на стручни жирија од 37 земји кои годинава учествуваа на Евровизија.

Гледачите беа целосно изненадени од победата на Швајцарија, која имаше 15 отсто шанси за победа во однос на 50 отсто на Хрватска, пишува „Индекс“. Особено што во финалето влезе од само четвртото место во полуфиналето.

Швајцарија до победата дојде, интересно, од четвртото место по поените на публиката. Никогаш во историјата на Евровизија, изведувач со помалку поени од публиката не постигнал нешто слично. Имено, 22 земји од 37 држави ѝ дадоа по 12 поени на Швајцарија.

Претходниот рекорд по бројот на поени од жирито го држеше Велика Британија, која доби 283 поени од стручни жири во 2022 година. Швајцарија доби 365 поени од жирито. Никогаш не се случило 22 од 37 стручни жирија на истиот изведувач да му дадат по 12 поени.

Сè уште не се случило на обложувалниците во толкава мера да го промашат победникот на Евровизија. Шведската пејачка Лорин лани убедливо победи откако влезе во финалето со ист процент на шанси за победа кои ги имаше Бејби Лазања оваа година.

Кога прогнозите за победа беа над 50 отсто, ретко се случуваа промашувања. На пример, Украина во 2022 година имаше повеќе од 50 отсто пред финалето и убедливо победи.

По второто полуфинале, Израел почна молскавично да расте на обложувалниците, а локалната телевизија многу се ангажираше во повикувањето на гледачите од Европа да гласаат за Еден Голан и нејзината песна „Hurricane“. Интернетот беше преплавен со огласи и реклами на кои се појави пејачката и беше јасно дека е во тек, сосема легитимна и легална, кампања.

Евровизиската заедница и обложувалниците претпоставуваа дека Израел ќе добие голем број поени од публиката, а Еден влезе во финалето на Евровизија со 20 отсто шанси за победа.

Пред почетокот на натпреварот, илјадници луѓе протестираа во Малме против учеството на Израел на Евровизија.

 

ВИДЕО | Грузија со песна на Дарко Димитров настапи во финалето на Евровизија

Кој е Немо, Швајцарецот кој победи на Евровизија?

ВИДЕО | По победата на Евровизија, Швајцарецот Немо го скрши трофејот, си го повреди и прстот

 

 

 

 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот