Телефонски разговор меѓу рускиот претседател Владимир Путин и саудискиот принц Мохамед бин Салман бил причина Саудиска Арабија да го преплави светскиот пазар со нафта и да ја урне цената на црното злато.

Ваквата информација ја пренесува британскиот портал „Middle East Eye“ кој ги следи состојбите на Блискиот исток, додавајќи дека разговорот се претворил во вистинска расправија.

Порталот пишува дека ваквите информации за нив ги потврдиле саудиски службени лица.

Телефонскиот разговор се случил на 6.март, непосредно пред состанокот на ОПЕК, и истиот бил закана за поништување на затоплените односи меѓу двете земји кои во Сирија поддржуваа различни страни во конфликтот.

Потоа ОПЕК и Русија не успеаа да се договорат за намалување на производството по што следеше преплавување на светот со нафта што пак предисвика историски пад на нејзината цена.

Очигледно е дека на тој состанок во формат ОПЕК +, не бил постигнат договор за намалување на производството паралелно со драстично намалената потрошувачка предизвикана од пандемијата со корона вирусот.

Резултатот од ваквиот след на настаните го видовме во понеделникот, по силниот пад на цената на нафтата претходната недела. На почетокот од оваа недела американската нафта од брендот „WTI“ стрмоглаво беше обезвреднета на 0, а потоа и на негативна цена од неверојатни -37 долари, што пак е историски преседан во трговијата со овој енергенс.

Принцот Салман меѓувреме добил „благослов од Трамп“ преку неговиот зет Кушнер, по што саудискиот принц му се заканил на Пудин дека ќе почне ценовна војна доколку не биде постигнат договор меѓу нивните земји.

Интересно е и тоа дека принцот Муихамед неофицијално на почетокот се координирал за своите потези со администрацијата на американскиот претседател Доналд Трамп, односно со неговиот зет Џаред Кушнер, со кој изградимногу блиски односи кои последните неколку години беа мета на критика на американските медиуми.