ФОТО | Што да направите ако ве испече и какви се последиците? Во Јадранско Море се појави медуза наречена морска месечина
Што да направите ако ве искаса медуза? Пред сè, важно е да не паничите.
Препорачано
Деновиве во Јадранското Море се појавија медузи, особено на плажата на Хвар. Експертот Ален Солдо вели дека во прашање е морската месечина.
Во контакт со кожата, морската месечина може да создаде силно чувство на печење. Иако е помалa од другите видови кои живеат во Јадранското Море, може да предизвика посилно чувство на болка. Морската месечина е релативно мала медуза со полукружна капа и розови пипала, а нејзиното тело е испреплетено со ситни виолетови точки.
По повредите, често останува депигментација на кожата или дури и лузна. Оваа медуза може да порасне до 20 сантиметри во должина и до шест сантиметри во дијаметар на капата. Живее на длабочини од нула до 10 метри, каде што плови и повремено плива.
Несреќите при пливање може да ви го уништат одморот, па затоа е важно да внимавате при влегувањето во вода.
Ако ве испече (убоде) медуза во морето, важно е да не паничите, туку веднаш излезете на брегот и измијте ја раната со морска вода за да ги отстраните пипалата. Не користете обична слатка вода, бидејќи пипалата ќе се залепат за кожата.
Остатокот ќе го деактивирате ако изгореницата, односно испеченото место, го полиете со оцет или ако ставите облоги со оцет за да спречите инфекција. Сокот од лимон исто така може да помогне.
Обично, по контакт со медуза на кожата, се појавува алергиска реакција на супстанциите што се наоѓаат во нивните пипала, но оваа изгореница обично не е опасна.
Меѓутоа, ако површината е поголема од раширена дланка со прсти и се појавуваат поголеми плускавци, обратете се кај лекар. Кремовите со кортикостероиди ќе ја намалат реакцијата, е тие мора да бидат препишани од вашиот лекар, пишува „ВебМД“ (WebMD).
