Шпанската полиција приведе 70 лица, меѓу кои и американски туристи и шпански проститутки, поради новогодишна оргија, објави шпански Ел Мундо.

Група американски туристи изнајмиле куќа за приватна забава и повикале проститутки. Се прецизира дека сопственикот на куќата бил свесен за спецификите на прославата кога се договорил за изнајмувањето, целта и цената.

Поради пандемијата од ковид-19 во Шпанија, има рестриктивни мерки за собирање големи групи луѓе, па затоа забава од 70 луѓе, без разлика на нејзината цел, е нелегална.

Полицијата признава дека на нелегалната забава наишла сосема случајно. Забавата е разоткриена двајца Американци пристигнале во приватниот дом подоцна од другите. Но, тие веќе биле пијани и ги помешале адресите, обидувајќи се да влезат во куќа во близина.

Соседот повикал полиција и рекол дека две непознати лица се обидуваат да упаднат во неговиот имот, по што полицијата веднаш пристигнала. По испрашувањето на двајцата пијани туристи, полицијата дознала за оваа нетрадиционална новогодишна забава.