Шпанската Влада одобри „целосно“ ембарго на оружје за Израел, како дел од пакет мерките, како што наведе премиерот Педро Санчез, насочени кон завршување на „геноцидот во Газа“, јави „Франс прес“.

Ембаргото забранува извоз на одбранбена опрема, производи или технологија што ги користи Израел во воените операции во палестинската енклава, како и увоз на израелско оружје во Шпанија.

Со мерката се блокираат и барањата за транзит на гориво за авиони со потенцијално воена примена и се забранува увоз на производи „од илегалните населби во Газа и на Западниот Брег“.

Уредбата треба да биде одобрена од Парламентот, каде левичарската Влада на Санчез нема мнозинство.