Шпанското Министерство за социјални права казни денеска пет нискобуџетни авиокомпании со вкупно 179 милиони евра поради наплата на неоправдани такси за рачен багаж или резервирање седишта за придружници на деца.

Најголема казна во износ од 107 милиони евра и е изречена на ирската авиокомпанија Рајанер, додека шпанскиот Вуелинг треба да плати 39 милиони евра, британскиот Изиџет 29 милиони евра, а шпанската Волотеа и норвешката компанија по 1,9 милиони евра.

Шпанското министерство има замерки и за непропорционалните такси за печатење билети на аеродромот и смета дека некои компании ги доведуваат во заблуда патниците со тоа што не им ја кажуваат крајната цена на авионскиот билет со сите такси.

Според извештаите, Министерството ги забранило сите овие практики и бара нискобуџетните авиокомпании да овозможат плаќање такси во готово на аеродромите.

Министерот Пабло Бустиндуј со свој потпис ги потврди казните, а засегнатите компании ќе можат да се жалат на оваа одлука во следните два месеци.