Повеќето Германци ќе бидат „вакцинирани, излечени или мртви“ од ковид во наредните месеци, предупреди министерот за здравство Јенс Шпан.

„До крајот на зимата, како што понекогаш цинично се вели, речиси сите во Германија ќе бидат вакцинирани, излечени или мртви“, рече тој, обвинувајќи го „многу заразниот вид делта“.

„Затоа препорачуваме вакцинација“, вели тој, пренесува Ројтерс.

Шпан изјави дека Германија има „доволно дози за сите заинтересирани“ и дека и вакцините „Модерна“ и „Фајзер“, кои се достапни во земјата, се најдобра опција против коронавирусот и новите соеви.

Министерот за здравство на Германија додаде дека очекува до крајот на годината Германија да добие 24 милиони дози „Фајзер“ и 26 милиони дози „Модерна“.

Германија во ковид пекол: 50.000 нови инфекции за 24 часа