Шон Бејкер официјално стана првиот човек кој освои четири Оскари во иста година за ист филм. Имено, Бејкер доби Оскар за оригинално сценарио, филмска монтажа, режија и најдобар филм, а со овие остварувања се изедначи со Волт Дизни.

Разликата, сепак, е во тоа што во 1953 година, Дизни освои четири Оскари во една вечер но за четири филма: „Жива пустина“, „Ескими од Алјаска“, „Свирче“ и „Плунк и Блок“, додека Бејкер освои четири награди за истиот филм. Дизни исто така беше номиниран истата година за филмовите „Бен и јас“ и „Ругирана мечка“.

По земањето на наградата за најдобар режисер, Бејкер и се заблагодари на Академијата за признанието на филмот „Анора“. Покрај наградите на Бејкер, Мајки Медисон ја доби и наградата за најдобра актерка, додека Јура Борисов беше номиниран за најдобра споредна машка улога.

Заплетот на филмот „Анора“ ја следи приказната за стриптизерка од Њујорк која се омажи за син на руски олигарх, за да дознае дека нејзиниот брак од соништата е кошмарна илузија.

„Модерна Пепелашка“

Како што е наведено на веб-страницата „Rotten Tomatoes“, станува збор за возбудлива и комична варијација на модерната приказна за „Пепелашка“. Филмот моментално има рејтинг од 89 проценти од публиката на „Rotten Tomatoes“, додека критичарите му дадоа високи 93 осто. Во моментов има рејтинг од 7,7/10 на IMDb.