Фото: Фејсбук / Димитар Ковачевски

Шоле пристигна во неколкучасовна посета на Скопје

Високиот советник на американскиот Стејт департмент Дерек Шоле утрово пристигна во Скопје, од каде што ја започнува тридневната турнеја по Западен Балкан. Според најавите, неговиот престој во Скопје ќе биде прилично кус, по што тој ќе замине за Приштина.

Шоле беше пречекан пред платото на Владата од страна на премиерот Димитар Ковачевски, по што двајцата се упатија на предвидениот заеднички состанок. Иако доаѓањето на Шоле деновиве беше топ тема во јавноста и во медиумите, не е предвидена никаква изјава за тоа што се разговарало во македонската Влада.

Фото: Фејсбук / Димитар Ковачевски

Како што соопшти Стејт департментот, Шоле ќе разговара со претставници на Владата за повеќе прашања, меѓу кои енергетиката, економијата и борбата против корупцијата.

Од Скопје Шоле заминува за Приштина, каде што ќе разговара за напорите на САД да помогнат во унапредувањето на евроатлантската интеграција „преку дијалог со поддршка на ЕУ за да се постигне сеопфатен договор за нормализација на односите меѓу Косово и Србија, фокусирана на взаемно признавање“, соопшти Стејт департментот.

ФОТО: Шоле доби македонски дрес од Ковачевски

 

Шоле утре ќе престојува во Белград, каде со српското раководство ќе разговара за енергетската безбедност, регионалната економска интеграција и напредокот кон целта на Србија за пристапување во ЕУ.

Од црната листа на Шоле некој нема да види бел ден

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот