Според телевизијата KTXL, 15-годишната ЏоВиани „Џо“ Смит, која се сметаше за една најталентираните спортистки во софтбол, е пронајдена мртва во својот дом во Стоктон.

„ЏоВиани водеше тешка борба со стресот поради само(изолацијата)“, наведува телевизијата.

Нејзината мајка, Даниел Хант, истакна дека младата спортистка не навестила дека може да дојде до оваа трагедија и дека не оставила просташна порака, но исто така напомена дека стресот поради кризата со коронавирусот има значајна улога во самоубиството.

– Мислев дека направи се што е потребно како радител, секогаш да имаме отворена комуникација. А, понекогаш би требало да запреме и да се грижиме за децата за кои мислиме дека нема потреба за грижа – изјави Даниел Хант.

Веднаш по смртта на ЏоВиани Смит, во спортските кругови во САД се разви полемика околу грижата за родителите за психичката состојба на нивните деца во време на пандемијата на коронавирусот.

Еден од поранешните тренери, Бил Фечер преку Фејсбук статус ги повика родителите почесто да расговараат со своите деца за пандемијата, токму поради тоа што и се случи на Смит.

„ Не можам да замислам низ што поминувала „Џо“ додека не се одлучи на тој несреќен чекор. Нејзината мајка е самохран родител која има сопствен бизнис на кој не му светаат розите… Родители, ве молам да не претпоставувате како вашите деца се борат со стресот кој го предизвика оваа здравствена криза“, порача Флечер.