Вистински шок пристигна од Франција откако вечерва еден од најголемите клубови во земјата, Олимпик Лион поради долгови е исфрлен во француската Лига 2.

Како што потврдија француските медиуми, одлуката е донесена поради тешката состојба со долговите на клубот, а Управата за контрола на финансиите на професионалните клубови ја потврдила санкцијата.

Иако клубот има можност да поднесе жалба и да се обиде да ја поништи одлуката, ситуацијата не изгледа оптимистички, со оглед на сериозноста на економските проблеми што ја загрозуваат иднината на Лион.

Ова е голем удар за француската Лига 1, бидејќи Лион со години беше дел од елитата, освојуваше титули и настапуваше редовно во европските натпреварувања. Судбината на клубот сега зависи од следните денови и евентуалната жалбена постапка.