Фудбалскиот клуб Шкендија за прв пат во својата историја ќе игра во едно од УЕФА европските клупски натпреварувања.

Тетовските „црвено-црни“ успеа да испише историја обезбедувајќи пласман во Конференциската лига за која денеска во Монако беше извршена ждрепка.

Во лигашкиот дел актуелниот македонски првак ќе одигра шест натпревари, три на домашен, а три на гостински терен.

Шкендија од првиот шешир го доби Слован Братислава од Словачка, од вториот Рајо Ваљекано од Шпанија, од третиот Јагелонија од Полска, од четвртиот Дрита од Косово, од петтиот АЕК Ларнака од Кипар и од последниот шести Шелбурн од Ирска.

Термините за одигрување на натпреварите ќе бидат 16.30, 18.45 или 21.00 часот. Целосниот распоред за сите клубови во лигашкиот дел можете да го погледнете ТУКА

УЕФА ќе ги објави точните распореди на сите натпреваритна 31 август. Првите осум екипи од лигашката фаза одат во осминафинале, додека екипите рангирани од деветтото до 24  место ќе играат плејоф за осминафинале.

Конференциска лига – 2025/26

Шкендија – Слован Братислава (Словачка)
Рајо Ваљекано (Шпанија) – Шкендија
Шкендија – Јагелонија (Полска)
Дрита (Косово) – Шкендија
АЕК Ларнака (Кипар) – Шкендија
Шкендија – Шелбурн (Ирска)