Како што најавуваат тетовските „црвено-црни“, на денешниот меч ќе бркаат позитивен резултат пред одигрувањето на реваншот една недела подоцна на теренот во Луксембург.

Да потсетиме, победникот од овој двомеч во третото квалификациско коло на ЛЕ ќе ги одмери силите против елиминираниот од пресметката во 2. кваликациско коло на Лигата на шампионите меѓу Селтик и Номе Калју.

Играчите на тренерот Ќатип Османи го одржаа и официјалниот тренинг на најголемиот стадион подготвувајќи се за следниот европски предизвик на тактички и физички план.

Стенио Жуниор целосно се опорави и после настапот во второто полувреме против Номе Калју сега конкурира за првиот тим, а во слична ситуација е и новото летно засилување Хуан Фелипе.

Дуделанж лани беше дел од групната фаза на Лига Европа, а ова лето беше елиминиран од претставникот на Малта (2:2 и 1:1), Валета.