За отворањето на јубилејното 60-то „Охридско лето“, сопругата на претседателот Пендаровски, проф. д-р Елизабета Ѓоргиевска, направи моден избор – полн погодок. Пурпурниот фустан што го носеше е креација на модната дизајнерка Лидија Георгиева.

– За отворањето на „Охридско лето“, дизајнирав долг лелеав фустан во пурпурна боја. Фустанот е обмислен како силуета во два слоја, со асиметрично поставени фалти во горниот дел, а бојата потсетува на длабоките нијанси на езерото после полноќ. Дизајнот е инспириран од античкиот театар во Охрид, како парафраза на драперијата и на кратката и долга туника од класичните драми. Материјалот е купен во Скопје, а секако и изработката е од домашни мајстори на занаетот. Достоинство, елеганција и модерна класика, во овие моменти специфични за сите нас, овој дизајн беше посебен дизајнерски и занаетчиски предизвик, вели дизајнерката Георгиева.

Ја охрабруваме првата дама да продолжи да носи модни парчиња од македонски модни дизајнери и од македонски модни марки во секоја јавна пригода.