Шест раси на кучиња со најкраток животен век
Кучињата се неизбежни членови на многу семејства, а нивното присуство носи радост и љубов во животот на многу луѓе. Сепак, колку и да ги сакате, некои кучиња едноставно имаат прекраток животен век, поради што разделбата со нив може да биде особено болна.
Препорачано
Додека некои раси живеат петнаесет или повеќе години, други нè напуштаат на шестгодишна возраст поради здравствени проблеми. Порталот „Олвејс петс“ направи листа на кучиња со најкраток животен век, а подолу одбравме некои од нив.
Бордошка дога
Бордошка дога се големи и интелигентни кучиња кои ги штитат своите семејства. Во просек живеат меѓу пет и осум години. Како и сите други брахицефалични раси, овие кучиња имаат бројни проблеми со дишењето кои го скратуваат нивниот животен век.
Бернардинец
Бернардинците се нежни „џинови“ кои живеат меѓу осум и десет години. Тие се склони кон бројни здравствени проблеми – од срцеви проблеми и епилепсија до рак. Исто така, поради стомачни проблеми, во текот на денот треба да јадат неколку помали оброци наместо еден голем.
Германска дога
Германските доги живеат во просек меѓу шест и осум години. Главниот здравствен проблем со кој се соочуваат е зголемувањето и извртувањето на желудникот, што може да биде фатално за нив. Сопствениците на оваа раса треба да се консултираат со својот ветеринар за исхраната на нивното куче за да го избегнат овој проблем.
Бернско планинско куче
Во минатото, планинските кучиња од Берн живееле помеѓу десет и дванаесет години, но денес живеат во просек меѓу шест и осум години. Главната причина за тоа е фактот што тие се многу склони кон рак. Некои од овие кучиња не живеат ни две години пред да добијат рак. Покрај тоа, како и другите големи раси, тие имаат проблеми со стомакот и срцето.
Ирски волчји хрт
Ирски волчји хрт е уште една голема раса која нема долг животен век. Во просек живеат меѓу шест и десет години. Тие се склони кон рак на коските, фон Вилебрандова болест, гастрична дилатација и торзија, лимфом и хипертироидизам.
Англиски булдог
Иако се значително помали од другите кучиња на списокот, англиските булдози често страдаат од многу здравствени проблеми. Во просек живеат меѓу осум и десет години. Имаат проблеми со дишењето и не поднесуваат топлина, а неодговорните одгледувачи кои со години пареле блиски животни се виновни за бројните здравствени проблеми.
