Групата „Бјело дугме“ неодамна одржа концерт во Марибор, за кој наголемо се пишуваше во медиумите, а за своите поранешни несогласувања проговорија и пејачите Ален Исламовиќ и Младен Војичиќ – Тифа.

Имено, во 2018 година двајцата физички се пресметале по концертот во Будва. Скандалот се случил на крајот на новогодишниот концерт, кога пејачите ја напуштиле сцената. Прво вербално се пресметале, што довело до туркање, а потоа и до тепачка.

Тифа реченицата ја започнал со „А ти те молам во иднина …“, на што Исламовиќ одговорил со пцовка, што довело до физичка пресметка. Причината за оваа скандалозна постапка е наводно тоа што Војичиќ се налутил затоа што Исламовиќ отпеал дел од песната наменета за него.

Денес потенцираат дека конфликтот е зад нив и дека односите меѓу нив се повеќе од добри. Исламовиќ во интервју за „ИН Магазин“ нагласил:

„Одлично се сложуваме. Расположени сме, сме здрави и сакаме искрено да ја работиме оваа работа“.

Тифа додал дека гледајќи од друга перспектива, благодарение на Горан Бреговиќ и остатокот од тимот, сфатиле дека сè што поминале вредело за трудот.

„Ние сме пријатели. Разбравме и си ги простивме многуте грешки што ги направивме еден на друг. Се радувам на тоа. Вреди да живеам. Ако треба да умрам утре, тоа е одлично за мене“, рекол тој, пренесува „Модно“.

ВИДЕО | По концертот во Сплит, Ален Исламовиќ добива морничави закани: Внесувате немир во моето семејство