Најбогатите клубови одлучија да се одделат од УЕФА, ја основаа Европската Супер лига, а Флорентино Перез, првиот човек на новото натпреварување, продолжува да шокира.

Од Нион доаѓаат закани дека ќе бидат исфрлени и казнети, а нивните фудбалери нема да можат да играат на следниот Мундијал, но „големите“ не обрнуваат многу внимание на заканите.

Со години се шпекулира за регионална лига, но УЕФА не сакаше ниту да слушне за тоа. Перез повторно ја започна темата.

– УЕФА мора да разбере дека фудбалот во Европа се смени и дека некои земји сакаат поинакво натпреварување. Слушам дека Скандинавците сакаат да направат лига, потоа Балканците, тука се и земјите од Бенелукс..Тие сакаат промени затоа што фудбалот умира поради оваа ситуација – Флорентино Перез фрли нова „бомба“ кон УЕФА.

Суперлигата ќе има 15 места исклучиво за богати клубови, додека пет позиции се „отворени“, иако сè уште не е осмислен начинот според кој ќе се пополнуваат преостанатите места во Суперлигата.

– Зошто тие „мали“ клубови не би ја освоиле Суперлигата? Тие можат да се натпреваруваат и да заработат место во натпреварувањето. Треба да се создаде друга лига или нешто слично – додаде првиот човек на Суперлигата.

Откриен планот на Перез, клубовите и ги „крадат“ пехарите на ЛШ