Македонскиот шампион Еурофарм Пелистер утрово ги изненади своите фанови со објавата дека Раул Алонсо повеќе нема да биде тренер на тимот.

Како што информираат од Битола, шпанскиот стратег побарал раскин на договорот и кариерата ќе ја продолжи во Германија, најверојатно во бундеслигашот Лајпциг.

,,Еурофарм Пелистер и Раул Алонсо спогодбено ја прекинаа соработката. До прекин на соработката дојде по барање на тренерот кој поради приватни причини побара да се врати во Германија.

Еурофарм Пелистер му се заблагодарува на Раул и му посакува многу успех понатаму!”, стои во објавата.

Засега не е познато кој ќе наследи Алонсо кој во изминатата сезона ја освои шампионската титула.