Шкендија триумфираше со 1:0 во првиот натпревар од првото квалификациско коло во Конференциската лига против велшкиот Хаверфордвест. Дали оваа минимална позитива на тетовските „црвено-црни“ ќе биде доволна за пласман во второто коло ќе дознаеме по реваншот на 20 јули од 20.45 часот во Кардиф.

Стрелецот на единствениот гол, косовскиот интернационалец Аденис Шала верува дека тимот може подобри отколку на мечот во Скопје.

– Се чувствувам многу среќен што победивме, бидејќи најважно беше да го добиеме натпреварот, а не кој ќе даде гол. За мене е исто дали да запишам гол или асистенција. Најважно е што победивме иако имавме многу други шанси порано да го затвориме натпреварот, но ова е фудбал и треба да се подготвиме за реваншот во Велс. Да го дадемеме максимумот, не се сомневам во тимот и се надевам дека ќе имаме подобар резултат од првиот натпревар – вели Шала.

Можеше да постигне уште некој гол против Велшаните..

– Се чувствував лошо бидејќи имав добра прилика, но ова е фудбал, понекогаш имаш добри шанси за гол, а не постигнуваш, сè додека како што имавме половина шанса дел и јас реализирав. Но, повторувам, победата беше важна – рече Шала.

Воедно играчот на Шкендија се заблагодарува на навивачите кои од трибините ја даваа поддршката на Националната арена „Тодор Проески“.

– Како дете секогаш сонував да играм на големи стадиони и да постигнувам голови. Им благодарам на сите навивачи кои беа присутни на стадионот, кои го скандираа моето име. Од првиот момент кога дојдов во Тетово се чувствував како дома и од сè срце им благодарам на сите – се зборовите на Шала.