Во едно од нејзините последни интервјуа, Шакира откри кој пејач ѝ помогнал за време на драматичното и тешко раскинување со фудбалерот Жерар Пике.

Колумбиската ѕвезда изјави за „Ролинг Стоун“ дека тоа е фронтменот на „Колдплеј“, Крис Мартин. Рекла дека се зближиле додека таа минувала низ тешкото раскинување.

“Тој беше тука за мене кога раскинав и кога бев скршена. Секој ден ме проверуваше и ми испраќаше зборови на поддршка”, рекла таа.

Таа истакна дека нивното пријателство трае долго и за него имаше само убави зборови.

„Го гледам како личност која го гледа животот низ друга призма, кој е чувствителен на потребите на другите луѓе и е многу емпатичен“, додаде таа.

Пријателството на Крис и Шакира започна во 2014 година за време на шестата сезона на музичкото натпреварување „The Voice“, кога фронтменот на „Колдплеј“ беше гостин ментор во шоуто.

Да потсетиме, Шакира го запозна фудбалерот во март 2011 година, беа заедно 12 години, а се разделија во јуни 2022 година. Двојката има два сина, Милан и Саша.

Во една прилика изјавила дека по разводот трпела физички и душевни болки. „Страдањето што го почувствував беше веројатно најголемото што го доживеав во целиот мој живот. Се чувствував како некој да ми заби нож во градите“, изјавила пејачка.