Барселона ја продолжи сезоната во Ла Лига со два бода предност во однос на Реал Мадрид, но киксевите на гостински терен ја стопија предноста и вчера на две кола до крајот, најголемиот ривал дојде до шампионската титула.

Како што продолжи сезоната по тримесечната пауза, така зачестија и шпекулациите за смена на тренерот Кике Сетиен бидејќи екипата под негово водство игра очајно на гостувањата, а сега и самиот тој призна дека има вистина во тоа.

– Јас сум одговорен за ситуацијата во која се најде Барселона, јас сум тренерот на овој тим. Се надевам дека ќе ја водам екипата во Лигата на шампионите ова лето, но не знам што ќе се случува во иднина. Се согласувам со критиките на Меси. Поразот од Осасуна беше незаслужен – изјави Сетиен.