Од 1 јули Серхио Рамос и официјално е слободен агент, а поранешниот капитен на Реал Мадрид е веќе близу до преселба во нов клуб.

Од кога беше објавено неговото заминување од „кралскиот“ клуб, тој се поврзуваше со трансфер во ПСЖ, а разговорите се забрзаа за време на викендот.

Според „Ле Паризиен“, во последните часови е постигнат напредок до точката каде што е постигнат договор за должината на соработката меѓу двете страни и платата.

Се верува дека централниот бек наскоро би можел да потпише двегодишен договор вреден 12 милиони евра по сезона како плата.

Францускиот весник исто така известува дека доаѓањето на Ашраф Хакими е исто така неизбежно. Па така, париските „светци“ наскоро би можеле да има двајца нови дефанзивци.

Мароканецот Хакими од 2020 година досега беше дел од Интер со 37 настапи и седум голови. Со миланскиот клуб лани стигна до титулата во Серија А.