Американската тенисерка Серена Вилијамс по поразот на УС опен објави дека заминува во пензија, но неколку недели подоцна се чини дека се премислува околу оваа одлука.

– Никогаш не го употребив зборот пензија – изјави Серена Вилијамс во шоуто на Џими Фалон.

Таа направи споредба со уште една спортска легенда, легендарниот НФЛ квотербек Том Брејди, кој прво објави дека се пензионира, па потоа се премисли и одлучи да одигра уште една сезона.

– Многу сум среќна, има многу работи што не можев да ги направам, а би сакала да ги правам изминативе години. Но, нема да се опуштам, само сакам да почнам да уживам во тоа што не можев во минатото. Сепак, разговарав со Том Брејди за неговото повлекување. Не се гледам себе си далеку од тенисот и би сакала да работам нешто и да останам поврзана со овој спорт. Тенисот беше светло во мојот живот – додаде Серена Вилијамс.