Францускиот тенисер Уго Ембер се пласираше во четвртфиналето на Мастерс турнирот во Париз, Франција кој вечерва во осминафиналето го совлада Шпанецот Карлос Алкараз со резултат 6:1, 3:6, 7:5.

Мечот траеше два часа и 19 минути. Алкараз е втор тенисер во светот, додека Ембер е 18 играч на АТП листата. Ова беше втор дуел меѓу двајцата тенисери и прва победа за Ембер.

Францускиот тенисер убедливо го доби првиот сет откако направи два брејка. Во вториот сет, во шестиот гем Алкараз му го одзеде сервисот на противникот.

Во третиот сет немаше брејкови сѐ до 12 гем, кога Французинот ја искористи втората сет меч топка.

Ембер во четвртфиналето ќе игра против Австралиецот Џордан Томпсон, кој претходно денеска го совлада донашниот тенисер Адријан Манарин со резултат 7:5, 7:6 (7:5). Мастерсот во Париз се игра за награден фонд од 5.950.575 евра.