Македонскиот фудбалски шампион ангажираше ново засилување за следната сезона, станува збор за напаѓачот Сенад Јаровиќ (25) кој е роден во германскиот Лангенфелд со босанско потекло.

И официјално како што пренесуваат од Струга Трим Лум, нов играч на екипата е Јаровиќ кој доаѓа од романскиот клуб Минаур Баја Маре.

Минатата сезона во рамките од втората романска лига од осум настапи постигна еден гол.

Во својата клупска кариера беше дел и од Слобода Тузла, Петролул 52, Радомље, Серед, Злате Моравце, Сондерјиске, Спартак Трнава, Доб и Домжале.

Стружани претходно како нови засилувања ги претставија Арди Идризи и Ментор Мазрекај.