Фудбалерите на Селтик се чувствуваат жестоко оштетени по поразот од Брага со 2:0 во Лигата на шампионите. Тимот на Брендан Роџерс постигна погодок за израмнување преку Келечи Ихеаначо на почетокот од второто полувреме, но истиот беше поништен.

Судијата процени дека напаѓачот играл со рака, а и покрај долгиот преглед на ситуацијата, ВАР не ја смени одлуката. На снимките се гледа дека топката го погодува Ихеаначо во главата и дека не ја менува насоката покрај неговата рака, што дополнително ја разлути клупата на Селтик.

„Не ми е јасно зошто судијата не беше повикан да ја прегледа ситуацијата лично. Да израмневме на 1:1, натпреварот ќе одеше во сосема друг правец. Никаде не се гледа контакт со рака. Гледаа неколку пати во ВАР собата, затоа и траеше прекинот, но одлуката остана. Јасно е како ден – грешка на судијата. Токму затоа постои ВАР, да исправи вакви неправди“, изјави бесниот Роджерс.

Брага до крајот постигна уште еден гол и го затвори натпреварот, но впечатокот остана дека Селтик беше сериозно оштетен.