Селин Дион пред девет години го загуби сопругот Рене Анџелил, кој почина по битка со рак на грлото на 74-годишна возраст.

Пред неколку дена требало да биде нивната 30-годишнина од брак, а Дион ја објави нивната свадбена фотографија и му посвети емотивна порака.

„Сè уште ни ги исполнуваш срцата секој ден. Ни значиш сè и многу ни недостигаш. Среќна 30-годишнина, љубов моја“, напиша Селин покрај црно-белата фотографија од нивната венчавка на која се потпишаа и синовите, 23-годишниот Рене-Чарлс и 14-годишните близнаци Нелсон и Еди.

 

View this post on Instagram

 

A post shared by Céline Dion (@celinedion)

„Еве каква треба да биде вистинската љубов“, „Вистинската и голема љубов никогаш не завршува“, „Секогаш ќе биде во нашите срца“, се само дел од коментарите под нејзината објава.

Фановите истакнуваат дека љубовната приказна на Дион и Анџелил била една од најубавите и најнеобичните. Откриено е дека пејачката и Рене се запознале кога таа имала 12, а тој 38, а многумина биле шокирани од тврдењата дека нивната љубовна приказна започнала набрзо потоа.

Нејзината мајка испратила снимка од песна која Селин ја напишала и ја испеала на тогаш 38-годишниот менаџер и продуцент Рене Анџелил. Рене во тоа време бил музички менаџер, а пред тоа и пеел. Мислел дека Селин е особено талентирана, а таа средба целосно ѝ го промени животот. Во една прилика Рене ја поканил на аудиција во Квебек.

“Почнав да пеам, тој почна да плаче. Тогаш знаев дека сум завршила добра работа”, открила Селин, која потоа со него и нејзината мајка тргнала на турнеја во Европа, Јапонија и Канада.

Пејачката инсистирала ништо романтично да не им се случи се додека е малолетна.

Нивната љубовна врска започна кога Селин наполни 19 години. Рене беше 26 години постар од Селин и поради тоа ја криеја својата врска додека не се венчаа седум години подоцна.

“Луѓето нека мислат и кажуваат што сакаат за нас. Ние се сакаме и ќе се сакаме засекогаш”, изјавила Селина на нивната венчавка.