Американскиот актер и музичар Вил Смит го најави своето враќање на музичката сцена ова лето со турнеја под наслов „Засновано на вистинска приказна“ (Based On A True Story). Покрај песните од новиот албум, публиката ќе може да ги слушне и неговите стари хитови, како „Miami“ и „Gettin’ Jiggy Wit It“. Но, многу фанови беа прилично изненадени од цените, а еден детал дури и ги шокираше некои од нив.

Најмногу се зборува за ВИП влезниците, чии цени достигнуваат дури 1290 фунти (околу 1510 евра), а во таа цена се вклучени пристап до тонската проба, обиколка на бината и постер со автограм. Оние кои ќе посакаат, ќе можат и да се фотографираат со Смит, но таа чест ќе ги чини дополнителни 400 фунти. Да, добро прочитавте – за фотографија со „принцот од Бел Ер“ ќе треба да издвоите околу 350 евра.

Турнејата започнува на 25 јуни во Мароко, а завршува на 2 септември во Париз. Оваа концертна турнеја доаѓа по подолга музичка пауза и контроверзата на доделувањето на Оскарите во 2022 година, кога Смит го удри комичарот Крис Рок на сцената. Иако таа вечер ја освои наградата Оскар за најдобар актер, инцидентот фрли сенка врз неговиот успех.