Селена Гомез и Бени Бланко неодамна ги открија деталите од нивниот прв бакнеж во поткастот „Table Manners“, а обожавателите беа особено заинтригирани од еден необичен детаљ – Гомез добила осип на лицето од нервоза.

Во еден опуштен разговор со Џеси и Лени Вер, Селена и Бени споделиле како се случил нивниот прв бакнеж во текот на една вечер дома додека ја играле „Ние не сме навистина странци“ (We’re Not Really Strangers).

„Пишуваше дека мора да направиш селфи со личноста покрај тебе. Таа се потпре на моите гради и нè фотографираше“, се присетил Бланко. „Ја погледнав и си реков: ‘Морам да ја бакнам оваа девојка’. И го направив тоа. А, потоа срцето почна силно да ѝ чука и доби осип на лицето.“

На шегата на водителката дека можеби е алергична на него, Бланко одговорил: „Да, таа беше алергична на мене, бев толку одбивен и одвратен“.

Но, Селена објаснила како всушност се чувствувала: „Бев многу нервозна. Долго време на никого не му се допаѓав. Некои бакнежи се само забавни, но овој беше поинаков. Почувствував нешто подлабоко.“

Таа исто така додала и дека пред Бланко, била сама речиси пет години, освен неколку лоши рандевуа, па затоа почетокот на оваа врска бил особено емотивен за неа.

Освен првиот бакнеж, двојката откри и уште еден симпатичен детаљ од тој период. Бени раскажал дека на почетокот на врската, Селена имала навика да доаѓа на нивните средби 20 до 30 минути порано и да чека надвор во автомобилот.

„Таа не знаеше дека моите безбедносни камери можат да ја снимаат улицата, па затоа често ја гледав како седи во автомобилот и чека да дојде ‘вистинското’ време за да влезе“, рекол тој низ смеа.

„Сакав да пристигнам таму порано, можеби да се јавам на пријателка за поддршка или да ја поправам шминката. Бев навистина нервозна, бидејќи навистина ми се допаѓаше“, признала Селена.

Денес, по повеќе од една година врска, а неодамна и се свршија, двојката не крие колку се вљубени.

Бени неодамна откри: „Тој бакнеж беше најдобрата одлука во мојот живот. Те сакам.“

Селена Гомез за свадбата со Бени Бланко: Знам кој ќе ми го одржи говорот

ФОТО | Селена Гомез и Бени Бланко се свршија: „Нашето засекогаш започнува сега“