Дали спаѓате во групата луѓе кои никогаш или многу ретко консумираат суви сливи?

По овој текст, ќе сфатите колку грешите, па затоа сувите сливи ќе станат дел од вашата секојдневна утринска рутина.

Сувите сливи се, без сомнение, најдобри од сушеното овошје. За разлика од свежите, сувите сливи може да се чуваат во оставата околу шест месеци. Кога се чуваат во фрижидер, во затворен сад, може да се јадат до една година.

Во составот на сувите сливи се наоѓаат концентриран сорбитол и влакна, што им дава поголем лаксативен ефект од свежите сливи. Како и свежите, така и сувите сливи се вистинско богатство од калиум, влакна, витамин К, додека може да се најдат и траги од магнезиум и железо.

Во која било форма, сливата е неверојатно богата со уникатни фитонутриенти, неохлорогена и хлорогена киселина. Овие супстанции се класифицирани како феноли, а нивната улога како антиоксидант е потврдена во неколку научни студии.

Од исклучително значење е способноста на свежите и сувите сливи подобро да го искористат железото во организмот, што е поврзано со витаминот Ц во плодовите на тоа овошје.

Јадењето четири до пет сливи ви дава околу 280 мг калиум, или околу 12 отсто од препорачаниот дневен внес.

Зошто да јадете суви сливи?

Еден од најстарите кинески лекови се прави токму од сушени (чадени) сливи и се нарекува „убаи“. Овој лек ги ублажува симптомите на гадење, треска и кашлица.

На врвот на листата од 24 видови овошје со антиоксидантна моќ е свежата слива (prunus domestica), додека сувите сливи се далеку пред сувите смокви, урмите, грозјето, кајсиите, со двојно поголема антиоксидантна моќ.

Сувите сливи се добар извор на нерастворливи и растворливи влакна. Нерастворливите влакна помагаат во одржувањето на редовната столица, додека растворливите влакна помагаат во умереното варење и апсорпција на хранливите материи од храната.

Сувите сливи исто така содржат сорбитол и хлорогена киселина, кои можат да ја зголемат зачестеноста на столицата.

Антиоксидантите и противвоспалителнтие својства на сувите сливи можат да спречат губење на коскената маса и да помогнат во одржувањето на здрава густина и формирање на коските.

Поголемите количини на витамин К во сувите сливи исто така помагаат во подобрувањето на здравјето на коските.

Само три до четири сливи на ден можат да помогнат во неутрализирањето на клетките од штетните слободни радикали кои (негативно) влијаат на меморијата.

Редовното консумирање суви сливи помага во спречување на невродегенеративни нарушувања поврзани со возраста, како што се Алцхајмеровата и Паркинсоновата болест.

Сувите сливи можат да помогнат во намалувањето на шеќерот во крвта и ЛДЛ холестеролот (лош холестерол), а воедно ги штитат вашите клетки од оштетување што може да доведе до болести.

Кога да ги консумирате сувите сливи?

Јадењето суви сливи наутро е одличен начин да ги искористите придобивките од антиоксидантите за да го започнете денот. Ова може да помогне при редовно празнење на цревата и да спречи запек.

Покрај тоа, природното поттикнување на енергијата од сувите сливи може да ви помогне да имате попродуктивно и енергично утро.