Во Цетиње, Црна Гора во организација на Џудо клубот Црногорац од Цетиње се одржа меѓународен турнир во џудо.

На истиот учество зедоа натпреварувачи од Црна Гора, Македонија, Србија, Косово, Словенија, Босна и Херцеговина и други држави од регионот.

Џудо клубот „Сеишин“ од Прилеп зеде учество со вкупно пет натпреварувачи, а освоени се три медали, од кои два златни и еден бронзен.

Теодора Илиоска успеа да дојде до првото место во категоријата -48 килограми, а Тамара Илиоска беше „златна“ во категоријата – 44 кг. Давор Најдоски исто така освои медал, беше третопласиран во категоријата -46 кг.

Теодора Илиоска беше прогласена за најдобар техничар на турнирот во старосната категорија помлади пионерки за што е добитник на пехар.

Одлично се изборија Благојче Мантароски -55 кг и Марко Ацески +60 кг., но не успеаја да изборат место на пиедесталот. Екипата ја предводеа тренерите Мартин Ристески и ветеранот Киро Здравески кои се задоволни од прикажаното на сите натпреварувачи.