Европската фудбалска унија, УЕФА ги објави своите најнови критериуми кои директно ги засегаат стадионите на кои се одржуваат натпревари на европските турнири. Станува збор за објекти од категорија 3 и 4, во кои се одржуваат и репрезентативни натпревари.

Новите, уште построги услови за лиценцирање за фудбалската инфраструктура ќе стапат на сила од 1 јуни 2025 година, пред почетокот на следната сезона на европските клупски турнири.

Екипите кои ќе се квалификуваат за нив ќе мора да ги направат потребните подобрувања на своите стадиони за да можат таму да бидат домаќини на меѓународни натпревари.

Меѓу инфраструктурните критериуми кои се во фокусот на УЕФА оваа година се:

– систем за подземно наводнување

– систем за греење на терен или систем за покривање на терен

– покриени клупи со минимум 20 седишта

– зголемени барања за санитарни јазли

– задолжително резервно напојување за осветлување

– зголемени барања за осветлување

– места со погодности обезбедени за луѓе во неповолни ситуации