На површина од над 1000 метри квадратни во Расадник и во 11 Октомври кај зградите се уредува просторот и конечно, овие населби, како што информира градоначалникот Орце Ѓорѓиевски, ќе добијат урбан и модерен лик.

Во изминативе неколку дена се изведуваа градежни активности за обезбедување нови паркинг места во 11 Октомври – згради, со што се реши еден од поголемите проблеми со кој се соочува жителите од оваа населба. Со павер елементи ги уредивме и пристапните пешачки патеки, оние старите, оштетени и дотраени ги заменивме со нови. Со ова, комплетно се менува сликата на населбата и веќе наликува на она што е наша замисла, но и желба на граѓаните – вели Ѓорѓиевски.

Кај кулите во Расадник пак, се градат нови и се обновуваат постоечките пристапни патеки, влезовите и патеките помеѓу зградите, но се обновува и проширува и зеленилото.