Граѓаните нетрпеливо очекуваат исплата на поврат на ДДВ, а на социјалните мрежи едно од главните прашања е дали некој веќе добил пари. Најголем поврат што може да се добие е 2.100 денари, но за тоа треба да се направи солиден промет.

Според одговорот што го добивме од Управата за јавни приходи, веќе се генерираат налози за исплата, но точен датум кога ќе почнат да легнуваат уплатите на сметките на граѓаните, не добивме.

– Во однос на враќање на дел од данокот на додадена вредност искажан во фискалните сметки на физичките лица за последното тримесечје, Ве известуваме дека се генерираат налози за отпочнување на исплатата. За ова тримесечје ќе се исплатат околу 858.059.205 милиони денари на 491.407 граѓани кои скенирале фискални сметки за период април – јуни 2024 година – изјавија за „Слободен печат“ од УЈП.