Мултимедијалниот уметник Џон Бонафеде поднесе тужба против њујоршкиот Mузеј за модерна уметност МоМА, 14 години откако учествуваше во перформансот на Марина Абрамовиќ во склоп на изложбата на „Уметникот е присутен“ (The Artist is Present). Причина? Тој тврди дека во неколку наврати некои од посетителите додека минувале помеѓу него, кој стоел целосно гол цели 75 минути, и неговата, исто така, гола партнерка, го допирале на незгодни места. Двајцата голи изведувачи биле на растојание од околу половина метар, пишува „Еуроњус“.

Бонафеде тврди дека MoMA не им кажала на посетителите да ги гледаат, но да не ги допираат голите изведувачи вклучени во изложбата на Абрамавич во 2010 година.

Во тужбата поднесена во понеделникот на судот во Њујорк, Бонафеде тврди дека пет постари мажи го напаствувале седум пати додека настапувал во претставата наречена „Imponderabilia“. Тој ја обвини MoMA дека не „презела разумни корективни мерки“ со издавање усни или писмени предупредувања до посетителите да не ги допираат изведувачите.

Во тужбата се наведува дека музејот имал само протокол за постапување со посетителите по нападот и дека раководителите на музејот знаеле дека допирањето е проблем.

“Groped nude artist sues Museum of Modern Art over Marina Abramovic exhibition” https://t.co/VF8pIs5djM

— Alisha’s Eternal Cubby (@ProfPlatypus) January 23, 2024

Бонафеде ги опишал средбите како „морничаво слични“, при што секој маж се свртувал кон него, ја пуштал раката, а потоа „ги милува или допира“ неговите гениталии, „задржувајќи се на момент пред да продолжи во соседната соба во галеријата“.

Тој не го пријавил првиот напад, како што понатаму тврди, но потоа го алармирал обезбедувањето на музејот, кое ги отстранило спорните луѓе од изложбата. Во тужбата се наведува и дека еден од мажите бил корпоративен член на МоМА, чие членство било отповикано по инцидентот.

Во тужбата се наведува и дека тој бил загрижен дека ќе остане без работата, откако неговиот колега изведувач бил отпуштен на денот на отворањето на изложбата затоа што не останал неподвижен.

Тој сега бара неодредена отштета во судењето на поротата за „години на емоционална болка“ и штета нанесена на неговото „ментално здравје, изгледот на телото и кариерата“.

Во едно интервју во 2015 година за тој перформанс, Бонафеде рече: „Работата со Марина Абрамовиќ за големата ретроспектива на Музејот за модерна уметност во 2010 година дефинитивно ме инспирираше на некој начин. Главно во тоа како да се справиш со јавната голотија во својот настап, нарушувањето на личниот простор и групните преговори за чесен третман на уметникот на перформансот од институциите“.