Белгискиот фудбалер Дрис Мертенс објави дека ја завршува кариерата на 38-годишна возраст.

Мертенс ги помина последните три сезони во турскиот Галатасарај, а се прослави во дресот на италијанскиот Наполи, каде што играше девет години.

Токму во Неапол тој изгради пријателство со Марек Хамшик, а натпреварот што се игра во чест на словачкиот фудбалер ќе биде последен за Мертенс. Станува збор за ревијален меч во Братислава.

– Едвај чекам да го одиграм мојот последен натпревар со тебе. Престанав да играм фудбал, но за последен пат ќе ги облечам копачките за тебе. За мене, ти секогаш ќе бидеш капитенот и најсилниот човек со кого сум играл – рече Мертенс во видео порака.

Мертенс во својата професионална кариера постигна 135 голови на 397 натпревари за Наполи.