Во Босна и Херцеговина, забележително е зголемена побарувачката за услуги за естетска хирургија и разубавување, како што се трансплантација на коса, корекција на очни капаци, инјектирање на ботокс и хијалуронски филери, липосукција, поставување на силиконски импланти, и со оглед на ова, оние кои ги нудат овие услуги ќе бидат „цели“ на контролата на ДДВ оваа година, објави Управата за индиректно оданочување (ИTA) на Босна и Херцеговина, информира Фактор.ба.

– Со оглед на тоа што според законите за здравствена заштита во БиХ, естетските интервенции и разубавувањето на човечкото тело не се класифицираат како превентивни, дијагностичко-терапевтски и рехабилитациски услуги кои се ослободени од данок на додадена вредност (ДДВ), услугите за естетска хирургија и разубавување подлежат на оданочување со ДДВ, без оглед на тоа дали ги обезбедуваат лекари по медицина и дали ги обезбедуваат правни лица кои се во приватна или јавна сопственост – истакнаа од ИТА.

Горенаведените лица остваруваат промет што го надминува пропишаниот праг за задолжителна регистрација за ДДВ (100.000 КМ промет годишно), и не се регистрирани во Единствениот регистар на обврзници за индиректен данок на ДДВ. Овие компании треба да се регистрираат, како и уште еднаш да ги прегледаат своите книги и ДДВ пријави, па доколку не пресметале ДДВ, да ги отстранат неправилностите пред почетокот на најавените контроли.