На територија на Општина Аеродром се врши отстранување на непрописно паркираните возила од плочниците и тревниците.

-Чистењето на просторите кои се наменети исклучиво за граѓаните е наш врвен приоритет и затоа ја повторуваме заложбата дека правилата треба да се почитуваат. Инспекциските служби на Општина Аеродром секојдневно се на терен и интервенираат секаде каде што е потребно. Секое возило кое ќе биде затекнато на плочниците помеѓу зградите, како и на зелените и други јавни површини, ќе биде отстрането, а сопствениците соодветно санкционирани – информираат од оваа скопска општина.

Од Општина Аеродром меѓу другото ги информираат граѓаните и дека, како што велат, ги превземаат сите чекори за завршување на правните процедури и изнаоѓање на локација за долгорочно одложување на хаварисаните возила од паркинзите, кои зафаќаат голем број паркинг места низ општината.