Актерката Кристина Фалтон и поранешна партнерка на актерот Николас Кејџ, проговори за наводите дека нивниот син Вестон Кејџ Копола бил уапсен бидејќи ја нападнал за време на ментална криза, пишува „Дејли мејл“.

Полицијата во Лос Анџелес потврди дека Вестон во средата бил осуден за напад со смртоносно оружје. Тој беше ослободен со кауција од 150.000 долари околу 10 часот, а се верува дека негоиот татко го извлекол од притвор.

За овој немил настан конечно се огласи и Кристина Фалтон, неговата мајка.

„На 28 април 2024 година, околу 17.30 часот, добив итни пораки од пријателот на мојот син, Вестон Кејџ, во врска со неговата влошена психичка состојба, повикувајќи на помош“, рекла Фалтон во изјавата до која дојде „Пипл“.

„Кога пристигнав да го поддржам и утешам, тој веќе беше среде маничен бес. За неколку минути бев брутално нападната и се здобив со сериозни повреди“, додала таа.

„И покрај моите очајни молби до полицајците да го приведат на проценка на менталното здравје, тие го одбија моето барање“, заклучила Фалтон.

Таа, исто така, истакнала дека е длабоко тажна и загрижена за менталната состојба на Вестон и дека е императив да ја добие помошта што му е очајно потребна.

Николас Кејџ за најтешкиот период од животот: „Бев во долгови од 6 милиони долари, се согласив на сè“